Buxoro viloyati IIBda IIV Akademiyasi kursantlari hamda magistratura tinglovchilari ishtirokida navbatdagi master-klass oʻquv mashgʻuloti boʻlib oʻtdi
2025-01-10 09:00:00 / Yangiliklar

Buxoro viloyati IIB boshligʻi oʻrinbosari podpolkovnik Avazbek Inomov boshchiligidagi IIV Akademiyasi bakalavr bosqichining Buxoro viloyatidan jamlangan kursantlari, magistratura tinglovchilari va ixtisoslashtirilgan kafedralar oʻqituvchilari ishtirokida onlayn master-klass oʻquv mashgʻuloti oʻtkazildi.
Mashgʻulotda “Profilaktika inspektorlarining uzoq muddatga ketgan shaxslar bilan ishlash faoliyati”, “Qidiruvdagilar, bedarak yoʻqolgan shaxslarni qidirib topish borasida tezkor-qidiruv xizmati xodimlarining sohaviy xizmatlar bilan oʻzaro hamkorligi”, “Navbatchilik qismiga kelib tushgan barcha turdagi jinoyat va xabarlarning roʻyxatga olinishi, ular asosida hodisa sodir boʻlgan joyga chiqish hamda tergov-tezkor guruhining sodir etilgan jinoyatlarni fosh etish borasidagi faoliyatining xususiyatlari”mavzularida maʼruzalar qilindi.
Ochiq va munozaralarga boy boʻlgan mashgʻulotda kursantlar oʻzlarini qiziqtirgan savollarga javoblar oldilar.
Buxoro viloyati IIB Axborot xizmati