Ichki ishlar vazirligining Madaniyat saroyida Oʻzbekiston voleybol federatsiyasining 2024-yil davomida amalga oshirgan ishlari va yutuqlari sarhisobiga bagʻishlangan yil taqdimoti boʻlib oʻtdi. Unda Oʻzbekiston voleybol federatsiyasi raisining birinchi oʻrinbosari Bekmurod Abdullayev hamda qator tashkilotlar rahbarlari ishtirok etishdi.

Tadbir davomida kattalar — erkaklar va ayollar oʻrtasida oʻtkazilgan “Oʻzbekiston kubogi”ning gʻolib va sovrindorlari taqdirlandi. Shuningdek, turli yosh toifasida “Yilning eng yaxshi oʻyinchi” nominatsiya gʻoliblari eʼlon qilindi. Yil davomida yurtimizda voleybol sportini rivojlantirish, milliy terma jamoamizning nufuzli oʻrinlarni egallashida sidqidildan xizmat qilgan murabbiylarimizga ham esdalik sovgʻalari bilan taqdirlandi. Yurtimizda oʻtkazilayotgan xalqaro va mahalliy musobaqalarni shaffof oʻtishida yaqindan yordam bergan hakamlarimizga statuetkalar hamda esdalik sovgʻalari topshirildi.

Taqdimot soʻnggida esa yigʻilganlarga Ichki ishlar vazirligining ashula va raqs ansambli ijrosida turli kuy-qoshiqlar taqdim etildi.

IIV JXD Axborot xizmati