Toshkent shahar IIBB boshligʻi general-mayor Aziz Tashpulatov boshchiligida videoselektor boʻlib oʻtdi. Unda Yangi yil bayramini yuqori darajada oʻtkazishga tayyorgarlik koʻrish va jamoat xavfsizligini taʼminlash, pirotexnika vositalarini noqonuniy muomalasiga qarshi kurashish borasida amalga oshirilayotgan ishlar muhokama qilindi.

Yigʻilishda poytaxtdagi barcha tuman IIO FMB boshliqlari, sohaviy xizmat rahbarlari va mutasaddilar ishtirok etdi. Tumanlarda bu yoʻnalishda amalga oshirilayotgan ishlar oʻrganildi, masʼullarning hisoboti tinglandi.

Yigʻilish soʻngida poytaxt IIBB boshligʻi mutasaddilarga tegishli topshiriq va koʻrsatmalar berdi hamda ijrosi yuzasidan muddatlar belgilandi.

Toshkent shahar IIBB Axborot xizmati