Qashqadaryo viloyati IIB boshligʻi polkovnik Abduvoxid Ismoilov Kinologiya boʻlinmasi va Maxsus qabulxonada boʻlib, sohaviy xizmatlar faoliyati bilan tanishdi
2024-12-21 11:05:00 / Yangiliklar
Oʻrganishlar davomida boshqarma boshligʻi kinologiya boʻlinmasi xodimlari bilan suhbatlashib, xizmat itlarini oʻrgatish va yoʻnalishlar boʻyicha tayyorlash, jinoyatlarni fosh etish borasidagi faoliyatini tahlil etdi. Faoliyatda amalga oshirilgan ishlar va yoʻl qoʻyilgan kamchiliklarni tahlil etib, kelgusida bartaraf etish boʻyicha yoʻriqnoma berdi.
Pitomnikda xodimlar malakasini oshirishga moʻljallangan instruktor-kinolog, veterinar mutaxassis xonasining isitish tizimi va energiya va tabiiy gaz taʼminoti bilan tanishdi.
Bundan tashqari, oshxona, xizmat itlari volyerlari va oziq-ovqat zaxiralarini koʻzdan kechirib, masʼullarga bu boradagi ishlarni yanada takomillashtirishga oid tavsiyalar berdi.
Oʻtkazilayotgan mashgʻulotlarda xizmat itlarini yangi uslub va tajribalardan foydalangan holda jinoyatlarni fosh etishga oʻrgatish boʻyicha kinologlarga tegishli yoʻriqnoma berdi.
Boshqarma Maxsus qabulxonada boʻlib, binoni isitish tizimini koʻzdan kechirdi. Soʻngra, maʼmuriy jazo muddatini oʻtayotgan shaxslarning turmush tarzi, ularga yaratilgan shart-sharoitlarni koʻzdan kechirdi. Sodir etgan huquqbuzarligi uchun jazo muddatini oʻtayotgan shaxslar bilan profilaktik suhbat oʻtkazdi.
Bu yerda maʼmuriy huquqbuzar shaxslarga xizmat koʻrsatuvchi oshxona, tibbiyot xonasida, boʻlib, tegishli tavsiya va takliflarni berdi.
Bu boradagi ishlar davom ettirilmoqda.
Qashqadaryo viloyati IIB Axborot xizmati