Qashqadaryo viloyati huquqni muhofaza qiluvchi organlari rahbarlarining Chiroqchi tumanida fuqarolar bilan sayyor qabuli boʻlib oʻtdi
2024-12-20 13:25:00 / Yangiliklar
Unda viloyat 3-sektor rahbari, ichki ishlar boshqarmasi boshligʻi, polkovnik Avduvoxid Ismoilov fuqarolarning murojaatlarini qabul qildi. Boʻlib oʻtgan sayyor qabulda fuqarolar bilan yuzma-yuz muloqot orqali oʻn nafar fuqarolarning muammolari qabul qilinib, hal etish choralari koʻrildi. Murojaatlar asosan, ichki ishlar organlarining tergov va profilaktika xizmati tomonidan olib borilayotgan tergov surishtiruv harakatlariga oid, ishga kirish hamda subsidiya asosida oʻzini oʻzi band qilish va fuqarolik ID-kartalari olish kabi masalalardan iborat boʻldi.
Qabul qilingan murojaatlarning beshtasi joyida ijobiy hal etildi. Yaʼni, uch nafar xotin-qizlarga oʻzini oʻzi band qilishi uchun subsidiya asosida tikuv mashinkasi, ikki nafar fuqarolarga ID-kartalari topshirildi. Oʻrganish uchun vaqt talab qiladigan 5 ta murojaatlar masʼullarga biriktirilib, qonuniy hal etish topshirigʻi berildi.
Inson qadri ustuvor darajaga koʻtarilgan yurtimizda fuqarolarning muammolariga yechim topish, ularni qiynayotgan kundalik va maishiy yumushlarni bartaraf etish, pirovardida odamlarni hayotdan rozi qilish borasidagi ishlar davom ettirilmoqda.
Qashqadaryo viloyati IIB Axborot xizmati