Andijon viloyati ichki ishlar organlari xodimlari oʻrtasida sogʻlom turmush tarzini targʻib qilish, jismonan sogʻlom va ruhan tetik tarbiyalash, ularni sport mashgʻulotlariga keng jalb qilish maqsadida oʻrtasida sportning “Shaxmat“ turi boʻyicha musobaqa oʻtkazildi.

Musobaqa, tasdiqlangan qoidalarga asosan oʻtkazilib, har bir sohaviy xizmat va shahar-tuman ichki ishlar boʻlimlaridan jami 32 nafar xodim ishtirok etdi.

Musobaqada 3-oʻrinni Andijon viloyati IIB maʼnaviy-maʼrifiy ishlar va kadrlar bilan taʼminlash xizmati kichik inspektori safdor Muhammadumar Qosimov, 2-oʻrinni Xoʻjaobod tumani IIB Tashkiliy boʻlinma navbatchilik qismi inspektor navbatchisi katta serjant Dilmurod Ergashev hamda faxrli 1-oʻrinni Marhamat tumani IIB 1-son IIB boshligʻi mayor Farrux Qahramonov qoʻlga kiritdi.

Musobaqa soʻngida gʻolib va sovrindorlar Andijon viloyati IIB rahbariyati tomonidan diplom va esdalik sovgʻalar bilan taqdirlandilar.

Andijon viloyati IIB Axborot xizmati