Faoliyatimizda qilingan ishlar sarhisobini raqamlar orqali ifodalashga odatlanganmiz. Namangan viloyati Transportda xavfsizlikni taʼminlash boshqarmasi xodimlari jamoat tartibini saqlash va xavfsizlikni taʼminlashga munosib hissa qoʻshib kelmoqda. Bu, oʻz navbatida, infratuzilma obyektlari, shu jumladan temiryoʻl vokzallari, bekatlar, parklar, yuk hamda yoʻlovchi poyezdlarda tovar-moddiy boyliklari hamda yoʻlovchi va fuqarolarning shaxsiy mol-mulki, shuningdek, pochta joʻnatmalari bilan bogʻliq oʻgʻirlik jinoyatlarining oldini olishga qaratilgan.

Namangan xalqaro aeroporti, Namangan va Pop temiryoʻl vokzaliga kelgan fuqarolarning xavfsizligini taʼminlash hamda jinoyatchilikning oldini olish borasida PPX xodimlari tomonidan yil boshidan buyon 2 nafar qidiruvdagi shaxs ushlangan hamda jinoyat qidiruv xizmati xodimlari bilan hamkorlikda 2 ta jinoyat fosh etildi. Xususan, yaqinda oʻtkazilgan «Qidiruv» tadbiri davomida jinoyat sodir etib, qidiruvda boʻlgan fuqaro A.F. safdor xodimlar Hakimjon Normirzayev va Bekzod Tursunov tomonidan ushlanib, Namangan shahar IIB Vaqtincha saqlash hibsxonasiga joylashtirildi. Bu yoʻnalishdagi ishlarni bajarishda xodimlar oʻz bilim va salohiyatlarini ishga solib, yurtimizda fuqarolar va xorijlik mehmonlarning xavfsizligini taʼminlashda oʻzlarining katta hissalarini qoʻshmoqdalar.

Sultonbek ISMOILOV, Namangan viloyati TXTB JXB JTSG katta inspektori, kapitan.