Ichki ishlar vazirligi “Dinamo” jismoniy tarbiya-sport jamiyati Qashqadaryo viloyati kengashining taqvimiy rejasiga asosan boʻlib oʻtgan musobaqada viloyat huquqni muhofaza qiluvchi organlar xodimlaridan iborat jamoalar ishtirok etishdi.

Soha xodimlarining jangovar shayligini oshirish, jismoniy tayyorgarligini mustahkamlash maqsadida oʻtkazilgan musobaqada jamoalar bor mahorat va tajribalarini ishga solib gʻoliblik uchun kurashdilar.

Murosasiz bahslarga boy kechgan musobaqada viloyat Davlat xavfsizlik xizmati jamoasi gʻoliblikni qoʻlga kiritdi. Viloyat ichki ishlar boshqarmasi va ichki ishlar vazirligi Qorovul qoʻshinlari 7533-harbiy qism jamoalari navbatdagi sovrinli oʻrinlarni band etishdi.

Gʻoliblar Kengashning diplom, medal va qimmatbaho sovgʻalari bilan taqdirlandi.

Qashqadaryo viloyati IIB Axborot xizmati