“Ipak yoʻlida turizm” xalqaro turizm yarmarkasi oʻtkazilmoqda
2024-11-23 09:10:00 / Yangiliklar
2024-yilning 21-23-noyabr kunlari Toshkent shahridagi “CAEx” koʻrgazmalar markazida “Ipak yoʻlida turizm” xalqaro turizm yarmarkasi oʻtkazilmoqda. Mazkur tadbir, mintaqaning boy madaniy-tarixiy merosini namoyish etish va turizm sohasida xalqaro hamkorlikni mustahkamlash maqsadida oʻtkazilayotgan yirik platformalardan biri hisoblanadi.
Yarmarka doirasida xavfsiz turizmni taʼminlash masalalariga alohida eʼtibor qaratilmoqda. Xavfsiz turizmni taʼminlash boshqarmasi xodimlari ham mazkur tadbirda faol ishtirok etmoqdalar. Ular tomonidan turistlar xavfsizligini kafolatlash, ularning huquq va manfaatlarini himoya qilish borasida amalga oshirilayotgan ishlar, zamonaviy yondashuvlar hamda jamoatchilik bilan muloqot qilishda innovatsion texnologiyalarni qoʻllash borasidagi loyihalar taqdim etilmoqda.
Tadbir doirasida mehmonlar va ishtirokchilar xavfsizlikni taʼminlashga qaratilgan maxsus tadbirlar, amaliy koʻrgazmalar va maʼlumot beradigan bukletlar bilan tanishish imkoniyatiga ega boʻldilar. Xavfsizlikka bagʻishlangan bunday yondashuv xalqaro darajada eʼtirof etilmoqda va mamlakatimizga yanada koʻproq sayyohlarni jalb etishda muhim oʻrin tutadi.
“Ipak yoʻlida turizm” yarmarkasi nafaqat turizmni rivojlantirish, balki uning xavfsizligini taʼminlash boʻyicha ham muhim platformaga aylandi.