Ichki ishlar vazirligi tomonidan tasdiqlangan “Sayyor-Akademiya” oʻquv dasturi doirasida Toshkent viloyati IIBB Ekspert-kriminalistika markazi va shahar-tuman ekspertlari uchun oʻquv mashgʻuloti tashkil etildi.

Mashgʻulotda IIV Ekspert-kriminalistika bosh markazi va IIV Akademiyasining kriminalistik ekspertizalar kafedrasi mutaxassislari ishtirok etdi. Ular ishtirokchilarga kriminalistik ekspertizalarni oʻtkazish jarayonidagi protsessual, metodik va texnik talablarni tushuntirib, amaliy va nazariy darslar olib bordilar.

Har bir ishtirokchi oʻz ish faoliyatida uchrayotgan muammolar boʻyicha tajribali ustozlardan batafsil maʼlumot va javoblar oldi. Bu kabi mashgʻulotlar, oʻz navbatida, sohadagi professionallikni oshirish va huquqbuzarliklarga qarshi kurashda samaradorlikni taʼminlashga xizmat qiladi.

Toshkent viloyati IIB Axborot xizmati