Surxondaryo viloyatida 13-16-noyabr kunlari ichki ishlar organlari kinologiya boʻlinmalari xodimlari oʻrtasida koʻpkurash musobaqasining respublika bosqichi oʻtkazildi.

Viloyat IIB TVBSO sport oʻyingohida musobaqaning tantanali ochilish marosimi boʻlib oʻtdi.

Shundan soʻng, bellashuvlarga start berish uchun xizmat itlari veterinariya koʻrigidan oʻtkazilib, jamoalar aʼzolarining qurʼa tashlash marosimi oʻtkazildi.

Dastlab, ishtirokchilar xizmat itlari bilan yengil transport vositasida, bino ichida va bagaj yoki qoʻl yuklarda yashirilgan giyohvandlik moddasini qidirib topish mashqi boʻyicha bellashdilar. Iz-qidiruv yoʻnalishida ham xizmat itlarining iz olish mahorati sinovdan oʻtkazildi.

Musobaqaning uchinchi kunida ishtirokchilar iz-qidiruvi boʻyicha buyumni tanlash, kiyim hididan aniqlash, transport yoki qoʻl yuklarida yashirilgan qurol-yaroq yoki portlovchi moddani qidirib topishdagi mahoratini namoyish qilishdi.

Ayniqsa, toʻsiqlarni vaqtga yengib oʻtish mashqi anchayin murosasiz kechdi.

Ishtirokchilarning har bir harakati hakamlar hayʼati tomonidan baholab borildi.

Bellashuvlar nihoyasiga yetgach, 16-noyabr kuni viloyat IIB TVBSO sport oʻyingohida koʻpkurash oʻyinlarining tantanali yopilish marosimi boʻlib oʻtdi. Unda viloyatlardan kelgan barcha jamoalar saf tortishdi.

Oʻzbekiston Respublikasi IIV JXD JTSX boshligʻi podpolkovnik O.Sharipov, Surxondaryo viloyati IIB boshligʻi polkovnik T.Ismailov hamda nafaqadagi polkovnik A.Xoliqovlar soʻzga chiqib kinologiya sohasidagi yangiliklar va bugun yaratilgan sharoitlar toʻgʻrisida alohida toʻxtalib oʻtishdi.

Shundan soʻng, natijalar eʼlon qilindi. Unga koʻra, umum-jamoa hisobida

3-oʻrin Toshkent shahar IIBB jamoasiga,

2-oʻrin Navoiy viloyati IIB jamoasiga,

1-oʻrin Surxondaryo viloyati IIB jamoasiga nasib qildi.

Surxondaryo viloyati IIB Axborot xizmati