Qozogʻiston poytaxti Ostona shahrida sambo boʻyicha kattalar oʻrtasida Jahon chempionati boʻlib oʻtdi. Musobaqada dunyoning 80 dan ortiq mamlakatidan 500 nafarga yaqin sportchi medallar uchun kurash olib bordilar.

Mazkur musobaqada -88 kg vazn toifasida munosib bahs olib borgan JIED xodimi, Sohibjon Hasanboyev (jangovar sambo boʻyicha) kumush medalini qoʻlga kiritdi.

Chempionat yakuniga koʻra Oʻzbekiston terma jamoasi 2 ta oltin, 7 ta kumush va 4 ta bronza medallarini qoʻlga kiritdi.

IIV huzuridagi Jazoni ijro etish departamenti jamoasi ushbu muvaffaqiyatli ishtirok bilan barcha sportchi va murabbiylarni muborakbod etadi.

IIV huzuridagi Jazoni ijro etish departamenti Axborot xizmati