Oʻzbekiston Respublikasi IIV “Dinamo” Jismoniy tarbiya va sport jamiyati Surxondaryo viloyat kengashining kalendar rejasiga asosan 2024-yilning 6-7-noyabr kunlari Termiz shahridagi Alpomish sport majmuasida sportning “Kurash” turi boʻyicha Surxondaryo viloyati Huquqni muhofaza qiluvchi organlarida xizmat oʻtayotgan xodimlar va harbiy xizmatchilar oʻrtasida viloyat birinchiligi musobaqasi oʻtkazildi.

Sport musobaqasi murosasiz bahslarga boy boʻlib, Surxondaryo viloyatida xizmat oʻtayotgan Surxondaryo viloyati Milliy gvardiyasi boshqarmasi, Surxondaryo viloyati Davlat xavfsizlik xizmati boshqarmasi, Surxondaryo viloyati Davlat xavfsizlik xizmati Chegara qoʻshinlari “Janub” Okrug qoʻmondonligi, Surxondaryo viloyati Favqulodda vaziyatlar boshqarmasi, Surxondaryo viloyati Ichki ishlar boshqarmasi, Surxondaryo viloyati Milliy gvardiyasi Qoʻriqlash boshqarmasi, Termiz xalqaro aeroportida xavfsizlikni taʼminlash alohida batalyoni xodimlaridan iborat 7 ta terma jamoadan jami 48 nafar sportchilar qatnashdi.

Xalqaro toifadagi hakamlar tomonidan baholab borilgan ushbu nufuzli musobaqa natijalariga koʻra 1 oʻrinni oʻrinni Surxondaryo viloyati Ichki ishlar boshqarmasi terma jamoasi, 2 oʻrinni Surxondaryo viloyati favqulodda vaziyatlar boshqarmasi terma jamoasi, 3 oʻrinni Surxondaryo viloyati DXX CHQ “Janub” OQ sportchilari qoʻlga kiritishdi.

Gʻoliblar Oʻzbekiston Respublikasi IIV “Dinamo” jismoniy tarbiya va sport jamiyati Surxondaryo viloyati Kengashi tomonidan diplom, medal va qimmatbaho esdalik sovgʻalari bilan taqdirlandilar.

Shu oʻrinda aytish joizki “Dinamo” jismoniy tarbiya va sport jamiyati qoshida tashkil etilgan “Kurash”, “Erkin kurash”, “DZYUDO”, “Qoʻl jang”, “Triatlon”, “Futbol” , “Yunon-Rum kurashi”, “Kombat aykido” “Voleybol” toʻgaraklarida hozirgi kunda jami 527 nafar oʻsmirlar muntazam shugʻullanishib respublika va xalqaro musobaqalarda munosib oʻrinlarni egallashmoqda.

Surxondaryo viloyati IIB Axborot xizmati