Viloyat ichki ishlar organlari sohaviy xizmatlari, shahar-tuman ichki ishlar boʻlimlari xodimlari, tizim faxriylari, xizmat vazifasini bajarish chogʻida vafot etgan xodimlarning oila aʼzolari ishtirok etgan tadbirni viloyat ichki ishlar boshqarmasi boshligʻi polkovnik Abduvoxid Ismoilov ochib, Ichki ishlar vazirining ichki ishlar organlari xodimlariga yoʻllagan bayram tabrigini oʻqib eshittirdi.

Boshqarma boshligʻi tadbirda tizim xodimlari, faxriylari va xizmat vazifasini bajarish chogʻida vafot etgan xodimlarning oila aʼzolariga oʻzining samimiy bayram tilaklarini bildirdi.

Vohada huquqbuzarliklarni oldini olish, jinoyatchilikka qarshi kurashish, qonun ustuvorligini taʼminlash borasida ichki ishlar organlari xodimlari tomonidan olib borayotgan faoliyati davlatimiz va vazirlik rahbariyati tomonidan munosib taqdirlanayotganini taʼkidladi.

Prezidentimizning farmoniga asosan bir nafar xodimga berilgan davlat mukofoti, ichki ishlar vazirining tegishli buyrugʻiga binoan viloyat ichki ishlar boshqarmasi tizimlarida faoliyat koʻrsatayotgan bir guruh xodimlar “Aʼlo xizmatlari uchun”, I, II, III darajali “Ichki ishlar organlarida benuqson xizmatlari uchun” koʻkrak nishoni, maxsus unvonlar, faxriy yorliq va esdalik qoʻl soatlari, faxriylarga “Ichki ishlar organlarining faxriy xodimi” koʻkrak nishoni, qoʻl soati va boshqa qimmatbaho sovgʻalar tantanali ravishda topshirildi.

Shu bilan birga xizmat vazifasini bajarish chogʻida vafot etgan mard oʻgʻlonlarning oila aʼzolari ham bayram tadbirida qimmatbaho sovgʻalar bilan taqdirlandi.

Qarshi shahridagi muhtasham Baxtli oila tantanalar majmuasida ichki ishlar organlari xodimlari, faxriylar va boshqa taklif etilgan mehmonlar bir piyola choy ustida dildan suhbatlashdilar.

Bayram quvonchli va hayajonli lahzalarga boy boʻldi.

Qashqadaryo viloyati IIB Axborot xizmati