Qashqadaryo viloyati ichki ishlar boshqarmasi tarkibiy boʻlimlari, sohaviy xizmatlari, shahar-tuman ichki ishlar boʻlimlarida xizmat qilayotgan shahodatlangan va erkin yollanma xotin-qizlarning intellektual bilim darajasini, maʼnaviy-axloqiy saviyasini oshirish, salohiyat hamda iqtidorini oshirish maqsadida “Zakovat” intellektual oʻyini oʻtkazildi.

Qizgʻin va murosasiz bahslarda soha malikalari jamoaviy tarkibda bor bilim va iqtidorlarini ishga solib gʻoliblik uchun kurashdilar.

Intellektual oʻyini natijalariga koʻra, 1-oʻrinni viloyat ichki ishlar boshqarmasining “Toʻmaris” jamoasi qoʻlga kiritdi. 2-oʻrinni “Nodirabegim” hamda ikkita 3-oʻrinni Tibbiyot boʻlimi va vazirlik akademik litseyi jamoalari band etishdi.

Gʻolib jamoalarga viloyat ichki ishlar boshqarmasining gʻoliblik diplomi va sovgʻalari topshirildi.

Qashqadaryo viloyati IIB Axborot xizmati