Sektor rahbarlari, IIV JXD YHXX va prokuratura masʼullari hamda tegishli idora va tashkilot vakillari ishtirokida muhokama yigʻilishi oʻtkazildi
2024-09-27 06:25:00 / Yangiliklar
Toshkent shahrida oʻtkaziladigan muhim tadbirlarga munosib tayyorgarlik koʻrish hamda oʻtkazish davrida turli noxush holatlarning oldini olish, jamoat xavfsizligini ishonchli taʼminlashga qaratilgan zarur chora-tadbirlar yuzasidan IIV JXD Yoʻl harakati xavfsizligi xizmati boshligʻi polkovnik Sh.Ibragimov boshchiligidagi ishchi guruh poytaxtning Yunusobod, Shayxontohur hamda Sirgʻali tumanlarida oʻz ishini jadallik bilan boshladi.
Birinchi navbatda belgilangan vazifalarni toʻgʻri va tartibli bajarish maqsadida yuqorida keltirib oʻtilgan tumanlar miqyosida sektor rahbarlari, YHXX va prokuratura masʼullari hamda tegishli idora va tashkilot vakillari ishtirokida muhokama yigʻilishi oʻtkazildi. Tumanlarda tezkor shtab tashkil etilishi boʻyicha oʻzaro kelishilib, qoʻyilgan har bir vazifa oʻz vaqtida, sifatli bajarilishi yuzasidan koʻrsatmalar berildi.
Amalga oshiriladigan barcha ishlar kunlik tarzda qatʼiy nazorat qilinishi alohida taʼkidlandi. Har bir sohaviy yoʻnalishlar masʼullariga tegishli topshiriqlar yetkazildi.
IIV JXD YHXX Axborot xizmati