IIV huzuridagi Jazoni ijro etish departamenti Tarbiyaviy ishlarni tashkil etish boshqarmasi tomonidan 2024-yil 23-sentyabr kuni mintaqaviy muvofiqlashtirish markazlari tarbiyaviy faoliyatni muvofiqlashtirish guruhi xodimlari bilan oʻquv-seminar mashgʻulotlari oʻtkazildi.

Oʻquv-seminar mashgʻulotida mintaqaviy muvofiqlashtirish markazlari tarbiyaviy faoliyatni muvofiqlashtirish guruhi xodimlari bilim saviyasi va kasbiy mahoratini tekshirish boʻyicha boshqarma boshligʻi polkovnik J. Mirzayev tomonidan yakka tartibda savol-javoblar oʻtkazilib, test sinovlari qabul qilindi.

Shuningdek, mashgʻulot davomida tarbiyaviy faoliyatni muvofiqlashtirish guruhi xodimlarini amalga oshirayotgan ishlari boʻyicha hisobotini tinglanib, yoʻl qoʻyilayotgan kamchiliklar boʻyicha chora-tadbirlar belgilab berildi.

Bundan tashqari, boshqarma xodimlari tomonidan tarbiyaviy yoʻnalish boʻyicha yuborilgan koʻrsatmalarning ijro etish mexanizmi tushuntirilib, muassasalarning tarbiyaviy ishlar boʻyicha xodimlari amalga oshirgan ishlarni reyting tizimi asosida baholab borish tartibi boʻyicha amalga oshirilishi lozim boʻlgan ishlar, haftalik hisobotlarni yuritish va ishni tashkil qilish tartibi atroflicha tushuntirildi.

IIV huzuridagi Jazoni ijro etish departamenti Axborot xizmati