Sportning qoʻl jangi turi boʻyicha “Ichki ishlar vaziri kubogi” musobaqasiga start berildi
2024-09-21 10:00:00 / Yangiliklar
Qarshi shahridagi huquqni muhofaza qilish organlari qoʻl jangi federatsiyasi sport saroyida sportning qoʻl jangi turi boʻyicha Ichki ishlar vaziri kubogi musobaqalariga start berildi.
Ichki ishlar vazirining 2024-yil 5-sentyabr kunidagi “Ichki ishlar organlarining tarkibiy tuzilmalari va hududiy boʻlinmalari terma jamoalari oʻrtasida sportning qoʻl jangi turi boʻyicha “Ichki ishlar vaziri kubogi” musobaqasini oʻtkazish toʻgʻrisida”gi farmoyishiga muvofiq boʻlib oʻtayotgan musobaqalarda mamlakatimizning barcha viloyatlaridan tashrif buyurgan ichki ishlar organlarining sportchilari uch kun davomida sakkiz vazn toifasida oʻzaro kuch sinashadilar.
Qizgʻin va murosasiz ruhda oʻtayotgan musobaqada kurashchilarga omad tilaymiz.
Qashqadaryo viloyati IIB Axborot xizmati