IIV ishchi guruhi Voyaga yetmaganlarga ijtimoiy huquqiy yordam koʻrsatish markazida boʻlishdi
2024-09-18 07:05:00 / Yangiliklar
Bugungi kunda davlatimiz rahbarining yoshlarga keng imkoniyat va shart -sharoitlar yaratilayotganligi, ularni kelajakda oʻz oʻrnini topishi va ularni vatanparvarlik ruhida tarbiya topishi borasida keng imkoniyatlar eshigi ochilganligi bejiz emas.
Shu maqsadida, joriy yilning 16-sentyabr kuni Ichki ishlar vazirligi Jamoat xizmati departamenti Huquqbuzarliklar profilaktikasi xizmati boshligʻi podpolkovnik X.Sh.Qodirov viloyat Ichki ishlar boshqarmasi Jamoat xavfsizligi xizmati Huquqbuzarliklar profilaktikasi boshqarmasi Voyaga yetmaganlarga ijtimoiy huquqiy yordam koʻrsatish markaziga tashrif buyurdi.
Tashrif chogʻida markazda yaratilgan shart-sharoitlar bilan tanishib, saqlanayotgan voyaga yetmaganlarning kelib tushish sabablari, oilaviy ahvoli va taʼlim tarbiyasi yuzasidan ular bilan yaqindan suhbat olib bordi.
Viloyat IIB Tezkor vazifalarni bajaruvchi safarbar otryadi mutaxassis xodimlari, markaz xodimlari bilan hamkorlikda markazda saqlanayotgan voyaga yetmaganlarga harbiy jang sanʼati mashgʻulotlari oʻrgatayotganligining guvohi boʻlishdi. Ushbu jarayonda voyaga yetmaganlar tomonidan sahna koʻrinishi sifatida namoyish etildi. X.Sh.Qodirov markazda saqlanayotgan voyaga yetmaganlar bilan suhbat soʻngida hayotda oʻz oʻrnini topishi, tuzalish yoʻlini tanlashi, oʻzining oldiga qoʻygan maqsadlari yoʻlida doim Ichki ishlar organlari qoʻllab quvvatlashi haqida oʻz soʻzida taʼkidlab oʻtdi.
Surxondaryo viloyati IIB Axborot xizmati