Sportning voleybol turi boʻyicha Maldiv Respublikasida xalqaro musobaqa start oldi
2024-09-17 11:35:00 / Yangiliklar
Markaziy Osiyo voleybol assotsiatsiyasining taqvim rejasiga asosan, Maldiv voleybol assotsiatsiyasi tashkilotchiligida Maldiv Respublikasi Male shahar-orolida joriy yilning 12-22-sentyabr kuni “Ayollar oʻrtasida CAVA voleybol klublari chempionati” (CAVA Volleyball Club Championship, Women) xalqaro musobaqasi boshlandi.
Mazkur xalqaro musobaqada 14 ta davlatning (Eron, Maldiv, Hindiston, Bangladesh, Butan, Qozogʻiston, Qirgʻiziston, Tojikiston, Turkmaniston, Afgʻoniston, Nepal, Pokiston, Shri-Lanka va Oʻzbekiston) ayollar voleybol jamoalari ishtirok etmoqda. Musobaqa dasturiga asosan, tashkiliy va tayyorgarlik tadbirlari 13-14-sentyabr kunlari, jamoalar oʻrtasida asosiy oʻyinlar 15-22-sentyabr kunlari oʻtkazilishi rejalashtirilgan.
Ushbu nufuzli musobaqada Oʻzbekistondan “Humo” voleybol klubi ayollar jamoasi ishtirok etmoqda.
Jamoamiz tarkibida jami 15 nafar aʼzolar, shundan,
1 nafardan delegatsiya rahbari, klub rahbari va xalqaro mutaxassis,
“Humo” voleybol klubi ayollar jamoasining 12 nafar aʼzolari (5 nafar xodima va 7 nafar sportchi ayollar) ishtirok etmoqda.
Jarayonlarni ijtimoiy tarmoqlardagi sahifalarimiz orqali yoritib boramiz.