Mamlakatimizda inson va uning qadri ulugʻlangan. Oʻzbekiston Respublikasi Mustaqilligining 33-yilligi arafasida — 30-avgust kuni “Oʻzbekiston Respublikasi fuqaroligini tiklash toʻgʻrisida” Oʻzbekiston Respublikasi Prezidentining Farmoni qabul qilingan edi.

Unga asosan fuqaroligi boʻlmagan bir nechta shaxslarga Oʻzbekiston Respublikasining fuqaroligi berildi. Chilonzor tumanida istiqomat qiluvchi ana shunday fuqarolarning bir nechtasiga Oʻzbekiston Respublikasi fuqaroligi ID-kartasi tantanali ravishda topshirildi.

Chilonzor tumani IIO FMBda boʻlib oʻtgan tadbirda tuman IIO FMB boshligʻi podpolkovnik Nematullo Xaydarov ushbu fuqarolarga ID-kartasini topshirar ekan, kelajakda yurtimiz siyosiy hayotida faol ishtirok etishlari va xalqimiz uchun yaratilayotgan barcha sharoit va imkoniyatlardan foydalanishlarida omadlar tiladi.

Ular yurtimizda olib borilayotgan insonparvarlik siyosatini eʼtirof etib, bunday imkoniyatdan mamnun boʻlib, oʻzlarining chuqur minnatdorligini bildirdi.

Toshkent shahar IIBB Axborot xizmati