Ichki ishlar vaziri oʻrinbosari general-mayor Bekmurod Abdullayev yoʻl harakati xavfsizligini taʼminlashga qaratilgan yigʻilish oʻtkazdi
2024-09-03 09:30:00 / Yangiliklar
Ichki ishlar vaziri oʻrinbosari general-mayor B.T.Abdullayev Yoʻl harakati xavfsizligi xizmati tomonidan Transport vazirligi, Kriminologiya tadqiqot instituti va boshqa tegishli vazirliklar bilan hamkorlikda Toshkent shahrida tirbandliklarni keltirib chiqaruvchi sabab va omillar ilmiy-amaliy jihatdan tahlillar va xorijiy tajribalarni inobatga olgan holda oʻrganib chiqilganligi taʼkidlab oʻtildi.
Vazir oʻrinbosari Toshkent shahrida yoʻl harakati ishtirokchilari uchun qulay shart-sharoitlarni yaratish, yoʻl-transport hodisalarining oldini olish choralarini kuchaytirish, poytaxtning transport kompleksi samaradorligini oshirish, ilgʻor axborot tizimlarini yaratish hisobiga yangicha boshqaruv va nazorat mexanizmlarini tashkil etish yuzasidan yigʻilish ishtirokchilariga bir qator topshiriqlarni berdi.
IIV Jamoat xavfsizligi departamenti Axborot xizmati