Ichki ishlar vazir oʻrinbosari general-mayor Baxodir Mirzaraximov harbiy qism faoliyati bilan tanishdi
2024-08-14 12:00:00 / Yangiliklar
Ichki ishlar vaziri oʻrinbosari general-mayor Baxodir Mirzaraximov joriy yilning 14-avgust kuni IIV Qorovul qoʻshinlariga qarashli 7534-sonli harbiy qismga tashrif buyurib, harbiy xizmatchilarga yaratilgan sharoitlar bilan yaqindan tanishdi.
Tashrif chogʻida, Vazir oʻrinbosari general mayor B. Mirzaraximov IIV Qorovul qoʻshinlari harbiy xizmatchilariga jangovar xizmatni Nizom talablari asosida olib borishlari hamda kontrakt boʻyicha va muddatli harbiy xizmatchilarga gigiyena qoidalariga rioya qilishlari boʻyicha oʻz tavsiyalarini berib oʻtdi.
Shundan soʻng 7534-sonli harbiy qismidagi muddatli harbiy xizmatchilari bilan uchrashib, ular bilan suhbatlashdi.
Suhbat davomida, askarlarni xizmat qilishlari uchun barcha shart-sharoitlar yaratilganligi, yotoqxonalar, oshxonalar va boshqa maishiy xizmat koʻrsatish xonalari mavjudligi hamda oʻquv sinflarining jihozlanganligi, muddatli harbiy xizmatchilardan faqatgina jangovar xizmatni vijdonan va Nizom talablari asosida toʻgʻri tashkil qilishlari, intizombuzarlik holatlariga yoʻl qoʻymasliklari, bar-birlari bilan munosabatda xushmuomala boʻlishlari talab qilinishini alohida yetkazib oʻtdi.
Shuningdek, Qorovul qoʻshinlariga yangi olib kelingan texnika va qurol-aslahalar bilan tanishib ushbu texnika va qurol-aslahalardan jangovar xizmat vaqtlarida toʻgʻri foydalanishlari texnikalar bilan harakat vaqtida yoʻl transport va xavfsizlik qoidalariga rioya qilishlari boʻyicha barcha shaxsiy tarkibga oʻz tavsiya va takliflarini berib oʻtdi.
Transport va turizm obyektlarida xavfsizlikni taʼminlash departamenti