Qashqadaryo viloyati IIB TQX tomonidan Qarshi shahrida oʻtkazilgan tezkor tadbir davomida, “Nasaf-Naxshab qurilish” MCHJ rahbari va “Asl Arx loyiha” MCHJ injeneri, oʻzaro til biriktirib 17 sotix yer maydonini noqonuniy sotishga kelishishganligi aniqlandi.

Ular 1979-yilda tugʻilgan, fuqaroga 2020-yilda Qarshi tumani hududidan issiqxona uchun ajratilgan boʻsh yer maydonini 16.000 AQSH dollariga sotishni aytishgan. Shuningdek mansabdor tanishlari orqali rasmiylashtirib berishni vaʼda qilib, oldindan 127.000.000 soʻm pullarni boʻnak (avans) sifatida olgan vaqtida tezkor tadbir ishtirokchilari tomonidan ashyoviy dalillar bilan qoʻlga olindi.

22-iyun kuni, Fargʻona viloyati, Beshariq tumanida oʻtkazilgan tezkor tadbir davomida esa 1977-yilda shaxs 1990-yilda tugʻilgan, fuqaroga Beshariq tumani, hududida joylashgan Qoʻqon davlat oʻrmon xoʻjaligi tomonidan ijaraga berilgan 4 gektar yer maydonini 16.000 AQSH dollariga sotishga kelishganligi aniqlandi. Ushbu pullardan avans (boʻnak) tariqasida 10.000 AQSH dollarini olgan vaqtda ashyoviy dalillar bilan ushlangan.

Har ikki holat boʻyicha JKning 168-moddasi 3-qismi “a” bandi bilan jinoyat ishi qoʻzgʻatilib tergov harakatlari olib borilmoqda.

IIV Tezkor-qidiruv departamenti