Namangan viloyati IIB boshligʻi polkovnik Shuxrat Aliyev huzurida joriy yilning yetti oylik yakunlari boʻyicha jinoyatchilik ahvoli muhokama qilindi
2024-08-06 11:10:00 / Yangiliklar
Namangan viloyati Ichki ishlar organlari xodimlari tomonidan viloyat hududida xavfsiz muhitni shakllantirish, jinoyatchilikning oldini olish, huquqbuzarliklarga chek qoʻyish maqsadida kunu tun xizmat olib borilmoqda va xodimlarning ish faoliyatidagi amalga oshirilgan ijobiy ishlari hamda yoʻl qoʻyilgan kamchiliklar viloyat IIB rahbariyati tomonidan doimo muhokama qilinib, kelgusidagi bajarilishi lozim boʻlgan ustuvor vazifalar belgilab kelinmoqda.
Jumladan, polkovnik Shuxrat Aliyev huzurida oʻtkazilgan navbatdagi muhokama yigʻilishida dastlab, joriy yilning yetti oyi davomida jinoyatchilikni jilovlash, huquqbuzarliklarning barvaqt oldini olishda amalga oshirilgan ishlar, shuningdek, “Dolzarb yetmish kun” profilaktika tadbirining ilk natijalari yuzasidan masʼul rahbarlarning hisoboti tinglandi va shahar-tuman IIBlari tomonidan yoʻl harakati va jamoat xavfsizligini taʼminlash yoʻnalishida yoʻl qoʻyilgan kamchiliklari keskin tanqid qilindi.
Yigʻilish davomida jinoyatchilikni jilovlashda, eng avvalo uning kelib chiqish sabab va omillarini erta aniqlash, huquqbuzarliklarga nisbatan oʻz vaqtida qatʼiy taʼsirchan choralarni qoʻllash alohida taʼkidlanib, bu borada masʼul rahbarlarga aniq topshiriqlar berildi.
Namangan viloyati IIB Axborot xizmati