Andijon viloyati ichki ishlar organlarining yosh xodimlari oʻrtasida sportning «Armrestling» turi boʻyicha musobaqa oʻtkazildi
2024-07-14 04:10:00 / Yangiliklar
Yosh xodimlarning sportga boʻlgan qiziqishlarini yanada oshirish, ular oʻrtasida sogʻlom turmush-tarzini keng targʻib qilish hamda Andijon viloyati IIB boshligʻi tomonidan tasdiqlangan «Oʻzbekiston Respublikasi Yoshlar ittifoqi Andijon viloyati IIB boshlangʻich tashkiloti tomonidan 2024-yilda amalga oshiriladigan chora-tadbirlar» dasturi ijrosini taʼminlash maqsadida yosh xodimlar oʻrtasida sportning «Armrestling» turi boʻyicha musobaqa oʻtkazildi.
Tashkil etilgan musobaqa natijasiga koʻra, viloyat IIB JXX YHXB boʻlinmalari mobil qurilmalaridan foydalanish guruhi haydovchi-operatori safdor Qosimov Xindolmirzo Oybek oʻgʻli 3-oʻrinni, Marxamat tumani IIB JXX Probatsiya guruhi inspektori katta leytenant Jumaboyev Dilkashbek Xusanali oʻgʻli 2-oʻrinni, viloyat IIB Tibbiyot boʻlimi moliya guruhi buxgalteri safdor Mahammadjonov Saydullo Xakimjon oʻgʻli esa faxrli 1-oʻrinni egalladi.
Gʻolib va sovrindor boʻlgan yosh xodimlar viloyat ichki ishlar boshqarmasi rahbariyati tomonidan diplom va qimmatbaho sovgʻalar bilan taqdirlandilar.
Yosh xodimlarning sportga boʻlgan qiziqishlarini yanada oshirish,ular oʻrtasida sogʻlom turmush-tarzini keng targʻib qilish borasidagi tadbirlar davom ettirilmoqda.
Andijon viloyati IIB Axborot xizmati