Fargʻona viloyati Quvasoy shahrida cayyor sud majlisi boʻlib oʻtdi
2024-06-29 06:10:00 / Yangiliklar
Sayyor sudda tuman IIB, shahar sudi, tuman prokuraturasi mutasaddilari ishtirok etdi. Jarayonda 60 nafar Probatsiya guruhi hisobida turgan nazoratdagi shaxslar qatnashdi.
Sayyor sud davomida tayinlangan jazoni namunali oʻtab, mehnatga halol munosabatda boʻlgan 8 nafar nazoratdagi shaxslar jazodan muddatidan oldin shartli ozod qilindi.
2 nafar shaxslar esa, qasddan jazo oʻtashdan boʻyin tovlaganligi uchun jazosi ozodlikdan mahrum qilishga almashtirildi
Sayyor sud yakunida Probatsiya guruhi hisobida turgan yoshlar bilan profilaktik suhbat oʻtkazilib, ularga qayta jinoyat va huquqbuzarlik sodir etmaslik tushuntirildi.
Ularning muammolari hamda murojaatlari oʻrganilib yechimi topilgan murojaatlar joyida hal etildi va ayrim murojaatlar huquqiy maslahat va tushunchalar bilan qoniqtirildi.
Fargʻona viloyati IIB Axborot xizmati