Hamkorlik memorandumi imzolandi
2024-05-30 09:00:00 / Yangiliklar
Oʻzbekiston Respublikasi Prezidenti huzuridagi Ijtimoiy himoya milliy agentligi Odam savdosi jabrdiydalariga yordam berish boʻyicha Respublika reabilitatsiya markazi va Oʻzbekiston Respublikasi Ichki ishlar vazirligi Malaka oshirish instituti oʻrtasida oʻzaro hamkorlik toʻgʻrisidagi memorandum imzolandi.
Uchrashuvda Ichki ishlar vazirligi Malaka oshirish instituti polkovnik O.T.Axmedov va Oʻzbekiston Respublikasi Prezidenti huzuridagi Ijtimoiy himoya milliy agentligi Odam savdosi jabrdiydalariga yordam berish boʻyicha Respublika reabilitatsiya markazi direktori O.A.Qosimovlar ishtirok etishdi.
Mazkur memorandum kelgusida odam savdosidan jabrlanganlarni, odam savdosidan jabrlangan deb taxmin qilinayotganlarni qoʻllab-quvvatlash hamda ijtimoiy himoya qilish, odam savdosiga qarshi kurashish sohasida ilmiy-tadqiqot ishlari, konferensiyalar, seminar-treninglar va davra suhbatlari oʻtkazishga, shuningdek ushbu sohadagi xizmat qiluvchi ichki ishlar organlari xodimlarini qayta tayyorlashga va ularning malakasini oshirishga doir faoliyatni rivojlantirishga qaratilgan boʻlib, Ichki ishlar vazirligi Malaka oshirish instituti va Odam savdosi jabrdiydalariga yordam berish boʻyicha Respublika reabilitatsiya markazi oʻrtasidagi hamkorlikni yangi bosqichga olib chiqadi.
IIV Malaka oshirish instituti