Qarshi shahrida voha huquqni muhofaza qiluvchi organlar shaxsiy tarkibi oʻrtasida sportning Funksional koʻp kurash turi boʻyicha IIV «Dinamo» JTSJ Qashqadaryo viloyati kengashi birinchiligi boʻlib oʻtdi. Unda kengash tarkibidagi jamoalar gʻoliblik uchun oʻzaro bellashdilar.

Sportning yugurish, tosh koʻtarish, toʻsinda tortinish kabi turlari boʻyicha boʻlib oʻtgan bahslarda Qashqadaryo viloyati IIB jamoasi 1-oʻrinni qoʻlga kiritdi.

Navbatdagi 2-oʻrinni Favqulodda vaziyatlar boshqarmasi va 3-oʻrinni IIV Qorovul qoʻshinlariga qarashli Qarshi shahridagi 7533-harbiy qism jamoasi qoʻlga kiritdi.

Gʻoliblar diplom, medal va qimmatbaho sovgʻalar bilan taqdirlandi.

Qashqadaryo viloyati IIB Axborot xizmati