Joriy yilning 15-may kuni Ichki ishlar vaziri oʻrinbosari general mayor Baxodir Mirzaraximov Andijon viloyati Transportda xavfsizlikni taʼminlash boshqarmasiga tashrif buyurib, xizmat faoliyati bilan yaqindan tanishdi.

Shaxsiy tarkib bilan oʻtkazilgan yigʻilishda xizmat hududlari – transport infratuzilmalarida huquqbuzarlik, jinoyat hamda kelib chiqishi mumkin boʻlgan baxtsiz hodisalarning oldini olish, xodimlar bilan bogʻliq xizmat intizomi va qonunchilik talablariga rioya etilishi holati atroflicha muhokama qilindi.

Shuningdek, sohaviy yoʻnalishlarda xizmatni tashkil etilishi, xodimlarning masʼuliyati, daxldorlik hissi, fidoiylik va sadoqat tuygʻulari, aʼlo va jangovar tartibda xizmatni tashkil etishlari boʻyicha koʻrsatmalar berib oʻtildi.

Vazir oʻrinbosarining Andijon viloyatidagi oʻrganishlari davom etmoqda.

IIV Transport va turizm obyektlarida xavfsizlikni taʼminlash departamenti Axborot guruhi