Ichki ishlar vazirligi Malaka oshirish instituti Maxsus-kasbiy fanlar kafedrasi boshligʻi, siyosiy fanlar doktori, dotsent Xatamov Farxod Faxritdinovich ichki ishlar organlari xodimlarining tayyorlash, qayta tayyorlash, malakasini oshirish va ilmiy tadqiqot ishlaridagi koʻp yillik mehnati, ilmiy faoliyati va jamoada samarali mehnatini hisobga olib Oʻzbekiston Respublikasi Oliy attestatsiya komissiyasi tomonidan professor unvoni berildi.

Shu munosabat bilan institutning navbatdagi Maʼnaviyat va maʼrifat darsida institut boshligʻi, texnika fanlari nomzodi, dotsent, polkovnik Olimjon Axmedov tomonidan Xatamov Farxod Faxritdinovichga professorlik diplomi topshirildi va Ichki ishlar organlari xodimlarining malakasini oshirishdagi kelgusi ishlarida ulkan muvaffaqiyatlar va zafarlar tiladi.

Shuningdek, institut rahbariyati va shaxsiy tarkibi polkovnik Zakirova Feruza Gulyamovnani ham pedagogika fanlari boʻyicha falsafa doktori (PhD) ilmiy darajasini olganligi munosabat bilan tabriklab, uning kelgusi ishlarida hamda pedagogik faoliyatida ulkan zafarlar tiladilar.

IIV Malaka oshirish instituti