Surxondaryoda huquqni muhofaza qiluvchi organlar ishtirokida navbatdagi oʻquv mashgʻuloti oʻtkazildi
2024-05-06 21:50:00 / Yangiliklar
Joriy yilning 03-may kuni Surxondaryo viloyat prokuraturasi, Surxondaryo viloyat Ichki ishlar boshqarmasi huzuridagi Tergov boshqarmasi hamda boshqa huquqni muhofaza qiluvchi organlarning tergovchi va surishtiruvchilari ishtirokidagi hamkorlikda oʻquv mashgʻuloti oʻtkazildi.
Oʻquv mashgʻulotida pora olish jinoyatining salbiy oqibatlari, jinoiy faoliyatdan olingan daromadlarni legallashtirish bilan bogʻliq jinoyat ishlari boʻyicha dastlabki tergov harakatlarini oʻtkazish amaliyoti hamda mazkur sohada tezkor-qidiruv faoliyatini amalga oshirishning oʻziga xos-xususiyatlari, Oʻzbekiston Respublikasi Jinoyat, Jinoyat-protsessual kodekslariga hamda MJtKga kiritilgan oʻzgartirish va qoʻshimchalarning mazmun-mohiyati, kiberxavfsizlik jinoyatlarining oʻziga xos xususiyatlari shuningdek, Sud portret, ekologiya hamda eksgumatsiya ekspertizalarining predmeti, obyektlari, vazifalari va imkoniyatlarini oʻrganish mavzularida boʻlib, unda Tergov boshqarmasi hamda uning quyi boʻlinmalari barcha xodimlari ishtirok etishdi.
Oʻquv mashgʻuloti davomida xodimlarga pora olish jinoyatlari boʻyicha oʻtkazilishi lozim boʻlgan tezkor-qidiruv tadbirlari hamda tergovga qadar tekshiruv harakatlari ketma-ketligi boʻyicha sahnalashtirilgan dars oʻtildi.
Oʻquv mashgʻulotida tergovchi va surishtiruvchilar malakali mutaxassislardan kerakli bilimlarni egallashib, oʻzlarini qiziqtirgan savollarga javob olishdi.
Surxondaryo viloyati IIB Axborot xizmati