Sayyor sudda probatsiya hisobidagi shaxslar jazodan ozod etildi
2024-05-06 14:25:00 / Yangiliklar
Poytaxtning Chilonzor tumanida joylashgan «Bogʻzor» mahallasida sayyor sud oʻtkazildi.
Chilonzor tumani IIO FMB probatsiya boʻlimi xodimlari tomonidan 18 nafar nazorat ostidagi shaxslar sudga olib kelindi.
Jinoyat ishlari boʻyicha Chilonzor tuman sudining sudyalari ishtirokida oʻtkazilgan sayyor sud majlisida 9 nafar shaxslarga nisbatan taqdimnomalar koʻrib chiqildi.
Probatsiya xizmati tartib-qoidalariga toʻliq amal qilib, mehnatga halol munosabatda boʻlgan, yashash va ish joyidan ijobiy tavsiflangan, shuningdek, sud tomonidan tayinlangan jazoning tegishli qismini oʻtab boʻlgan mahkumlarning oʻtalmay qolgan jazosidan JKning 73-moddasiga asosan muddatidan ilgari shartli ravishda ozod etildi.
Shuningdek, sayyor sud majlisi yakunida tuman sudining sudyalari tomonidan nazorat ostidagi shaxslarni qiziqtirgan savollarga javob berilib, huquqiy yordam koʻrsatildi.
Toshkent shahar IIBB Axborot xizmati