Xitoylik investorlar O‘zbekiston tumanida istiqbolli loyihalarni amalga oshirishga katta qiziqish bildirmoqda
2026-07-16 12:10:00 / News
Kuni kecha Farg‘ona viloyati hokimi Xayrullo Bozorov Xitoyning “Hunan Zhongwei Group Co., Ltd” kompaniyasi rahbari Chen Mingbo boshchiligidagi delegatsiyani qabul qilib, muloqot yakunida Xitoy investorlarining tashabbusi bilan tashkil etilgan “Hengtai” mas’uliyati cheklangan jamiyati vakillari o‘rtasida viloyatimizning iqtisodiy va turistik salohiyatini yangi bosqichga olib chiquvchi qator istiqbolli investisiya kelishuvlar imzolangan edi.
Mazkur hamkorlik kelishuviga asosan O‘zbekiston tumanida yuqori sifatli syement va qurilish materiallari ishlab chiqarish bo‘yicha loyihalar amalga oshirilishi qayd etildi.
Bugun tuman hokimi Rasuljon Jo‘rayev va Xitoyning ayni kompaniyasi vakillari bilan bo‘lib o‘tgan uchrashuvda ana shu istiqbolli loyihalarni amaliy bosqichga tezkor o‘tkazish masalalari muhokama qilindi.
Uchrashuvda viloyat hokimligi huzuridagi “Kichik sanoat zonalarini boshqarish direksiyasi” davlat unitar korxonasi direktori Xamid Xabibidinov va boshqa mutasaddilar ham ishtirok etdi.
Xitoylik investorlari o‘z korxonalarining salohiyati, ushbu yo‘nalishda xorijiy davlatlarda amalga oshirgan loyihalari haqida ma’lumot berib, O‘zbekiston tumanida ham hamkorlikda ish boshlash istagidagi ekanliklarini ma’lum qildilar.
O‘z o‘rnida, ikki tomonlama manfaatli hamkorlikni to‘liq qo‘llab-quvvatlanishini bildirgan tuman hokimi ham mehmonlarni hududimiz iqtisodiy-investisiyaviy salohiyati va imkoniyatlari bilan tanishtirib, yangi loyihalarni amalga tadbiq etish uchun barcha sharoitlar yaratilishini qayd etdi.
Loyiha amalga oshirilishi ko‘zda tutilgan manzil-Sho‘rsuv kichik sanoat zonasi, qulay homashyo muhiti to‘g‘risida xorijiy investorlar tanishtirildi.
Uchrashuvda loyihalarni tayyorlash hamda muzokaralarni davom ettirishga kelishib olindi.