O‘zbekiston tumanida “Ayollar daftari”ning 2025 yilgi oltinchi bosqichi jarayonlarida ro‘yxatga olingan 6 ming 570 nafar ehtiyojmand xotin-qizlarga turli yo‘nalishlarda amaliy ko‘maklar ko‘rsatildi. Bu ishlar uchun “Ayollar daftari” jamg‘armasi hisobidan jami 2 mlrd 115 mln 640 ming so‘m yo‘naltirildi. 

Xususan, ulardan 619 nafari doimiy va mavsumiy ish o‘rinlari bilan ta’minlandi, pillachilik sohasida 4089 nafar xotin-qizlarning kasanachilik asosida bandligi ta’minlandi, 424 nafariga bank krediti berilib o‘zini-o‘zi band qilishga erishilgan bo‘lsa, 395 nafari esa kasb-hunarga o‘qitilib, o‘z yo‘nalilari bo‘yicha bandligi ta’minlandi. 

Tadbirkorlik bilan shug‘ullanish istagida bo‘lgan 258 nafar ehtiyojmand xotin-qizlarga o‘z biznesini yo‘lga qo‘yishi uchun 1 mlrd 954 mln so‘m miqdorida imtiyozli bank kreditlari ajratildi.

Boquvchisi bo‘lmagan 308 nafar ehtiyojmand xotin-qizlarga jami 411 mln 250 ming so‘m miqdorida bir martalik moddiy yordam to‘lovlari berildi. 

Ijtimoiy yordamga muhtoj, I va II guruh nogironligi hamda tezkor tibbiy muolajaga muhtojligi bo‘lgan ehtiyojmand xotin-qizlarning 301 nafariga davolanishi uchun 386 mln 125 ming so‘m miqdorida bir martalik moddiy yordamlar ajratildi. 

Uy-joyga muhtoj bo‘lgan 28 nafar ehtiyojmand xotin-qizlar turar joylarga ijaraga joylashtirib, ularning turar joy ijara kompensatsiyasi (1 yillik) uchun jami 168 mln  so‘m to‘lab berildi.

Qaramog‘ida nogironligi bo‘lgan farzandi bor 148 nafar ehtiyojmand xotin-qizlarga 222 mln so‘m miqdorida bir martalik moddiy yordamlar berildi. 

Shuningdek, 12 nafar xotin-qizlarning uy-joyini ta’mirlash uchun 117 mln 200 ming so‘m mablag‘ ajratildi va uy-joylari ta’mirlab berildi.

Oliy ta’lim muassasalarida tahsil olayotgan 10 nafar ehtiyojmand xotin-qizlarning jami 49 mln 800 ming so‘mlik to‘lov-shartnoma mablag‘lari to‘lab berildi. 

Farzandlarini davolatishga muhtoj ehtiyojmand xotin-qizlarga zaruriy dori-darmonlar olib berish uchun jamg‘arma mablag‘lari hisobidan 6 mln 800 ming so‘m yo‘naltirildi. 2 nafar xotin-qizlarning jarrohlik amaliyoti uchun 39 mln so‘m mablag‘ ajratildi.

“Ayollar daftari”ning 6-bosqichiga kiritilgan ehtiyojmand xotin-qizlarning 649 nafariga tibbiy muolaja xizmatlari, 443 nafariga  psixologik va 220 nafariga huquqiy  yordamlar ko‘rsatildi.