Farg‘ona shahrida elektromobillar uchun quvvatlash qurilmalarini ishlab chiqarish bo‘yicha dastlabki kelishuvga erishildi.
2026-07-30 14:30:00 / News
"O‘zenergoinspeksiya" Fargona viloyat hududiy boshqarmasi boshlig'i Avazbek Temirov, Farg‘ona shahar hokimligi vakillari hamda shahardagi tadbirkorlardan iborat delegatsiya ayni kunlarda Xitoy Xalq Respublikasida bo‘lib turibdi. Tashrif doirasida qator yirik korxonalar faoliyati bilan tanishilib, investitsiyaviy hamkorlikni kengaytirish yuzasidan muzokaralar olib borilmoqda.
Bugun Xitoyning Teglong korxonasi direktori Bay Jang bilan uchrashuv o‘tkazildi. Muloqot davomida Farg‘ona shahrida elektromobillar uchun quvvatlash (zaryadlash) qurilmalarini mahalliy sharoitda ishlab chiqarishni yo‘lga qo‘yish hamda tayyor mahsulotlarni qo‘shni davlatlarga eksport qilish masalalari muhokama qilindi.
Uchrashuv yakunida mazkur loyiha bo‘yicha dastlabki kelishuvlarga erishildi. Ushbu hamkorlik hududda zamonaviy sanoatni rivojlantirish va mahalliylashtirish darajasini oshirish xizmat qiladi.