Yoshlar kuni munosabati bilan yunon-rum kurashi sport to‘garagi faoliyati bilan tanishildi
2026-07-09 11:00:00 / News
Yoshlar kuni munosabati bilan yunon-rum kurashi sport to‘garagi faoliyati bilan tanishildi
Yoshlar kuni munosabati bilan Farg‘ona shahar hokimi hamda mutasaddi tashkilotlar vakillari ishtirokida Farg‘ona shahridagi “Kelajak markazi” tasarrufida faoliyat yuritayotgan yunon-rum kurashi sport to‘garagi faoliyati bilan tanishildi.
Tashrif davomida sport to‘garagida yoshlar uchun yaratilgan sharoitlar, mashg‘ulotlar jarayoni hamda sportchilarning tayyorgarlik darajasi ko‘zdan kechirildi.
Shuningdek, murabbiylar bilan ochiq muloqot o‘tkazilib, mazkur sport to‘garagi uchun alohida zamonaviy bino qurish masalasi yuzasidan muzokaralar olib borildi. Uchrashuv davomida bildirilgan taklif va tashabbuslar atroflicha ko‘rib chiqilib, ularni bosqichma-bosqich amalga oshirish yuzasidan tegishli mas’ullarga topshiriqlar berildi.