АЭС -КИЧИК МОДУЛЛИ РЕАКТОРЛАР
2024-09-19 16:05:00 / News
2024 йилнинг 10-14-сентябрь кунлари Атом энергияси бўйича халқаро агентлик (ХАЭА) томонидан Россия Федерациясининг Москва шаҳрида ташкил этилган "Атом электрстанциялари (АЭС), шу жумладан кичик модулли реакторларни лицензиялаш жараёни" мавзусида минтақалараро ўқув курсида Саноат, радиация ва ядро хавфсизлиги қўмитаси, Радиация ва ядро хавфсизлиги департаменти бош мутахассислари Б.Файзуллаев ва А.Аширметовлар иштирок этишди. Шунингдек тадбирда Гана, Индонезия, Иордания, Қозоғистон, Кения, Нигерия, Шри-Ланка, Уганда, Замбия каби ХАЭАга аъзо мамлакатлардан ҳам мутахассислар иштирок этдилар. Ўқув курсида давомида атом энергетикасини ривожлантиришга киришаётган ХАЭАга аъзо мамлакат вакиллари АЭСлар, жумладан кичик модулли реакторлар учун лицензиялаш жараёнининг хавфсизлик билан боғлиқ жиҳатлари бўйича халқао стандарт ва тажрибалар билан танишишди. Бундан ташқари, АЭС ҳаётий даврида бериладиган рухсатнома ва лицензия бериш босқичлари билан Туркия, Покистон, Россия ва Миср тажрибалари ўрганилди. Шунингдек, ўқув курси иштирокчилари учун "ЗИО-ПОДОЛСК" машинасозлик заводига техник ташриф ташкил этилиб, иштирокчилар кичик модулли атом реакторлари учун мулжалланган реактор корпусларини ишлаб чиқариш жараёни билан танишдилар.