O‘rganishlar davomida mazkur obyektlarga tegishli huquqni belgilovchi hujjatlar tahlil qilindi. Aniqlanishicha, bino va inshootlarga oid kadastr hujjatlari 2014-yil 20-iyundagi notarial oldi-sotdi shartnomasi hamda Bag‘dod tumani hokimining 2014-yil 30-iyuldagi 440-son qarori asosida rasmiylashtirilgan. Obyektning kadastr hujjatlari 2025-yil 25-oktyabr kuni belgilangan tartibda davlat ro‘yxatidan o‘tkazilgan.
Shuningdek, obyektga tutash 90 kvadrat metr yer maydoni Bag‘dod tumani hokimining 2026-yil 26-iyuldagi 314-11-152-Q/26-son qaroriga asosan hokimlik tasarrufidagi bo‘sh yer uchastkasi sifatida hisobga olingan.
Shu bilan birga, murojaatda qayd etilgan piyodalar yo‘lagidan foydalanish holati ham mutasaddi tashkilotlar ishtirokida qo‘shimcha ravishda o‘rganilmoqda. O‘rganish yakuniga ko‘ra, amaldagi qonunchilik talablarining buzilishi aniqlangan taqdirda, tegishli choralar belgilangan tartibda ko‘riladi.