Adminstration of the Bagdad District, Fergana Region

Jahonda yuz berayotgan global o‘zgarishlar, xalqaro bozorlardagi tebranishlar, sanoat va texnologiyalarning keskin rivojlanishi, energiya bozorlaridagi transformatsiya, global ta’minot zanjirlarining qayta shakllanishi O‘zbekistondan ham yangi yondashuvlarni talab etayotganligi, mamlakatimizda «maqsad — harakat — natija» zanjiriga asoslangan mutlaqo yangi strategik rejalashtirish va rivojlanish tizimi joriy etilgani «O‘zbekiston — 2030» strategiyasini yangi talablar asosida takomillashtirish zarurichtidan kelib chiqib, «O‘zbekiston — 2030» strategiyasining hozirgi umumjahon tendensiyalari, global o‘zgarishlar va yangi chaqiriqlarga uyg‘unligini ta’minlash maqsadida 2026-yil 16-fevralda O‘zbekiston Respublikasi Prezidentining “Mamlakat taraqqiyotining 2030 yilgacha mo‘ljallangan ustuvor yo‘nalishlari doirasida islohotlarni izchil davom ettirish va yangi bosqichga olib chiqishning qo‘shimcha chora-tadbirlari to‘g‘risida”gi PF-21-sonli Farmoni qabul qilindi.

Mazkur Farmonda «O‘zbekiston — 2030» strategiyasini yangilash va uning ijrosini tashkil etish, uni amalga oshirilishi monitoringini tashkil etish maqsadlariga erishish bo‘yicha rag‘batlantirish chora-tadbirlarini belgilash, strategiyada ko‘zlangan maqsadlarga erishishga qaratilgan strategik rejalashtirish hujjatlari loyihalarini ishlab chiqishga qaratilgan maqsadlar ko‘zlangan.

Mazkur Farmon bilan 2023 — 2025 yillarda erishilgan samaradorlik ko‘rsatkichlari va o‘tkazilgan baholash natijalari asosida yangidan ishlab chiqilgan 2026 — 2030 yillarga mo‘ljallangan «O‘zbekiston — 2030» strategiyasi tasdiqlangan.

Farmonga ko‘ra, qonun ustuvorligini ta’minlash, xalq xizmatidagi davlat boshqaruvini tashkil etish maqsadida Konstitutsiya va qonunlarning ustuvorligini ta’minlash, inson huquq va erkinliklarining ishonchli himoya qilinishini ta’minlashni sud-huquq islohotlarining bosh mezoniga aylantirishda Sudlar hamda tergov organlari faoliyatida ayrim protsessual harakatlarni masofadan turib amalga oshirish imkoniyatlaridan foydalanish darajasini 2026 yilda 30 foizga, 2027 yilda 35 foizga, 2028 yilda 40 foizga, 2029 yilda 45 foizga, 2030 yilda 50 foizga yetkazishga erishish, sud hokimiyatining mustaqilligini kuchaytirish va uning faoliyatida ochiqlikni ta’minlash orqali odil sudlovga erishish darajasini oshirish uchun sudga qadar hal etilishi mumkin bo‘lgan nizolarni muqobil hal etish ulushini 2026 yilda 5 foizga, 2027 yilda 8 foizga, 2028 yilda 12 foizga, 2029 yilda
15 foizga, 2030 yilda 20 foizga yetkazishga erishish, Ma’muriy sudlarda ishlarning kelishtirish choralari orqali hal etilish darajasini 2026 yilda 10 foizga, 2027 yilda 20 foizga, 2028 yilda 30 foizga, 2029 yilda 40 foizga, 2030 yilda 50 foizga yetkazishga erishish, Sudyalar orasida xotin-qizlar ulushini 2026 yilda 20 foizga, 2027 yilda 24 foizga, 2028 yilda 26 foizga, 2029 yilda 28 foizga, 2030 yilda
30 foizga yetkazishga erishish, Fuqarolarga odil sudlovga erishishda qulay imkoniyatlar yaratish maqsadida yangi interaktiv xizmatlar sonini 2026 yilda 15 taga, 2027 yilda 16 taga, 2028 yilda 17 taga, 2029 yilda 18 taga, 2030 yilda 19 taga yetkazishga erishish kabilar belgilangan.

Shuningdek, Farmonda «O‘zbekiston — 2030» strategiyasi maqsadlarining samaradorlik ko‘rsatkichlariga belgilangan muddatlarda (yoki muddatidan avval) erishishga alohida hissa qo‘shgan, tashabbuskor va bu boradagi vazifalarni namunali va sifatli bajargan vazirlik va idoralar, mahalliy ijro etuvchi hokimiyat organlari va xo‘jalik birlashmalari rahbarlari va ularning tegishli xodimlari rag‘batlantirib borilishi haqida tartib joriy etish belgilangan.

Farg‘ona tumanlararo

iqtisodiy sudi sudyasi

Ergashev Umidjon Xojimamat o‘g‘li