Qozog‘istonda “SCAFFOLD” kartalaridan foydalanish bo‘yicha o‘quv seminar o‘tkazilmoqda
2024-04-16 16:50:00 / E'lonlar
Yevropa Ittifoqining Markaziy Osiyodagi yoshlar uchun muloqot va amaliy harakatlar (DARYA) loyihasi tomonidan Qozog‘istonda 15-17-aprel kunlari “SCAFFOLD” kartalaridan foydalanish bo‘yicha mintaqaviy o‘quv seminar o‘tkazilmoqda.
Unda Oliy ta’lim, fan va innovatsiyalar vazirligi vakillari va professional ta’lim muassasalarining 18 nafar pedagog kadrlari ishtirok etmoqda.
Seminar davomida Yevropa standartlari asosida ishlab chiqilgan, o‘quv jarayonlarini tashkil etishni rivojlantirish hamda EntreComp, LifeComp, GreenComp va DigComp bo‘yicha kompetensiyalardan ta’lim jarayonlarida foydalanishni o‘z ichiga olgan “SCAFFOLD” kartalari bilan tanishildi.
Seminar yakunidan so‘ng O‘zbekistonlik ishtirokchilar tomonidan kelgusida barcha professional ta’lim o‘qituvchilari uchun “SCAFFOLD” kartalari bo‘yicha seminarlar tashkil etilishi belgilangan.