Vazirlikning korrupsiyaga qarshi kurashish bo‘yicha faoliyatini samarali tashkil etish choralari muhokama qilindi
2024-04-04 15:10:00 / Vazirlik yangiliklari
Unda vazirlikning korrupsiyaga qarshi kurashish, buxgalteriya hisobi va hisoboti, ishlar boshqarmasi, axborot xizmati bo‘limi vakillari, barcha davlat oliy ta’lim muassasalari hamda vazirlikning hududiy boshqarmalari mas’ul xodimlari ishtirok etdi.
Seminar davomida fuqarolarni ishga qabul qilish, davlat xaridlarini amalga oshirish jarayonlarida ochiqlik va shaffoflik prinsiplariga to‘liq amal qilish, tizimda amalga oshirilayotgan ishlar natijasi bilan keng jamoatchilikni muntazam tanishtirib borishni yanada takomillashtirish masalalari yuzasidan fikr almashildi.
Tadbirda shuningdek, tizimda korrupsiyaga qarshi kurashish sohasida amalga oshirilayotgan ishlar haqida ma’lumotlarni Korrupsiyaga qarshi kurashish agentligining “E-Anticor.uz” elektron platformasiga yuklash 2023-yilda to‘g‘ri tashkil etilmaganligi tanqid qilindi. Yig‘ilganlarga ushbu jarayon tartib-tamoyillari tushuntirilib, 2024-yil davomida amalga oshirilishi lozim bo‘lgan vazifalar yuzasidan tegishli ko‘rsatmalar berildi.