Vazirlik Jamoatchilik kengashi Sirdaryo tuman politexnikumi faoliyatini oʻrgandi
2025-03-04 14:05:00 / Vazirlik yangiliklari
Oʻrganish jarayonida politexnikum rahbariyati, oʻqituvchilar bilan individual suhbatlar oʻtkazildi. Muloqotlarda taʼlim sifatini oshirish, zamonaviy taʼlim texnologiyalarini joriy etish, infratuzilmaning modernizatsiyasini amalga oshirish va innovatsion loyihalarni rivojlantirish masalalari muhokama qilindi. Shuningdek, politexnikumning xizmat koʻrsatish darajasini oshirish, oʻqituvchilarni kasbiy malaka bilan taʼminlash va ularning ijodiy potensialini barqaror ravishda rivojlantirish boʻyicha strategiyalar ishlab chiqish zarurligi bildirildi.
Ushbu oʻrganish politexnikumning kelajakdagi rivojlanishi va oʻquvchilarning yuqori sifatli taʼlim olishini taʼminlashga qaratilgan amaliyotlarning muhim bosqichi hisoblanadi. Taʼlim tizimida yangi innovatsion yondashuvlar va texnologiyalar orqali mamlakatimizda yuqori malakali kadrlar tayyorlash, zamonaviy mehnat bozori talablariga moslashish va turli sohalarda raqobatbardoshlikni oshirishda ushbu tashabbus katta ahamiyatga ega.
Politexnikum faoliyatiga oid oʻrganish natijalari asosida kelgusi ishlar uchun takliflar va tavsiyalar ishlab chiqilib, mavjud muammolarni bartaraf etish va taʼlim sifatida yangi standartlar oʻrnatishga qaratilgan chora-tadbirlar rejasi tuziladi.