Vazir o‘rinbosari Andijondagi oliygohlarda yangi qurilayorgan o‘quv bino va yotoqnalarning qurilish jarayonini o‘rgandi
2024-09-14 10:10:00 / Vazirlik yangiliklari
Dastlab, vazir oʻrinbosari S.Buzrukhonov Andijon davlat universiteti hududida 1800 o‘ringa mo‘ljallangan, zamonaviy texnologiyalar bilan barpo etilayotgan yangi o‘quv binoning qurilish ishlari bilan tanishdi.
Yangi oʻquv binodagi zamonaviy o‘quv xonalar, laboratoriyalarni ko‘zdan kechirib, binoda talabalar uchun qo‘shimcha qulayliklar yaratish yuzasidan universitet masʼullari bilan fikr almashildi.
Keyingi manzil Andijon davlat pedagogika instituti bo‘ldi. Bu yerda qurilishi rejalashtirilgan 400 o‘rinli DXSH asosida barpo etilayotgan talabalar turar joyi, 250 o‘ringa mo‘ljallangan 700 000 sig‘imli kutubxona, 1500 o‘rinli o‘quv binosi, usti yopiq mini futbol maydoni loyihasi bilan tanishildi.
Shuningdek, institutda yangi ishga tushirilgan “Registrator ofis” hamda “Face control” faoliyati o‘rganilib, qo‘shimcha qulayliklar kiritish yuzasidan tavsiyalar berildi.
Shundan so‘ng Andijon davlat chet tillari institutida DXSh asosida qurilayotgan 400 o‘rinli 2 ta qo‘shimcha yotoqxona binolari borib ko‘rildi.
Qurilish firmalari mas’ullari vazir o‘rinbosariga qurilish jarayonlarining borishini ko‘rsatib, binolarning old qismini pardozlash, jihozlash bo‘yicha ma’lumot berdilar.
O‘rganishlar davomida binolarni jahon standartlari asosida talabalarning ehtiyojlaridan kelib chiqqan holda qurilishni belgilangan vaqtda sifatli yakunlash bo‘yicha masʼullarga tegishli ko‘rsatmalar berildi.