Prezident topshirig‘i ijrosi
2024-09-11 21:00:00 / Vazirlik yangiliklari
Oliy ta’lim, fan va innovatsiyalar vaziri Qo‘ng‘irotboy Sharipov joriy yilning 11-sentyabr kuni Toshkent viloyat prokuraturasida prezident Shavkat Mirziyoyev tomonidan 27-avgust kuni o‘tkazilgan yig‘ilishda elektr energiya yo‘qotishlarini kamaytirish va resurslarni tejash bo‘yicha berilgan topshiriqlar ijrosini ta’minlash maqsadida o‘tkazilgan yig‘ilishda qatnashdi.
Tadbirda ta’kidlanganidek, Toshkent viloyatining 22 ta shahar va tumanlarida energiya tejamkorligi bo‘yicha tadqiqot ishlari boshlandi.
Toshkent viloyatida joylashgan korxonalarda professor-o‘qituvchilar, ilmiy jamoalarning soha mutaxassislari bilan birga energiya samaradorlikka erishish bo‘yicha taftish ishlari boshlab yuborildi. Aniqlangan kamchiliklar bo‘yicha takliflar ishlab chiqilishi kutilmoqda.
Yig‘ilishda tadqiqotlar natijasida mavjud muammolar haqida ilmiy xulosalar olinib, texnologik yo‘qotishlarni oldini olish muhimligi qayd etildi. Olingan xulosalar energiya sarfida texnik yo‘qotishlarni kamaytirishga olib kelishi va Toshkent tajribasi tashkil etilishi alohida ta’kidlandi.