DXSH asosida qurilgan yana bir yotoqxona talabalarni qabul qilishga tayyor
2024-09-11 09:10:00 / Vazirlik yangiliklari
10-sentyabr kuni Toshkent davlat sharqshunoslik universitetining davlat xususiy-sheriklik asosida qurilgan yangi talabalar turar joyi foydalanishga topshirildi
Yangi turar joy binosi ochilish marosimida Oliy ta’lim, fan va innovatsiyalar vaziri Qo‘ng‘irotboy Sharipov hamda vazir o‘rinbosari Sarvarxon Buzrukxonov ham ishtirok etishdi.
Universitetning Toshkent shahar Mirzo Ulug‘bek tumani, Ziyolilar ko‘chasi, 33-uy manzilida barpo etilgan talabalar turar joyi 6 qavat, 400 o‘rinli 112 ta yashash xonalaridan iborat bo‘lib, xususiy tadbirkor “The New Grand House” MChJ tomonidan davlat-xususiy sheriklik shartlari asosida zamonaviy talablarga mos keladigan holatda barpo etilgan. Ushbu qurilishning umumiy qiymati 24mlrd so‘mdan ortiqni tashkil etadi.