Toshkent davlat transport universitetida “Lu Ban ustaxonasi” misolida oliy va kasb-hunar ta’limi sohasidagi hamkorlikning barqaror maqsadlari mavzusida konferensiya bo‘lib o‘tdi.
2024-09-09 08:00:00 / Vazirlik yangiliklari
Unda Xitoy Xalq Respublikasining Xitoy Kommunistik partiyasi Markaziy Qo‘mitasi Siyosiy byurosi a’zosi va Tyanszin shahar partiya qo‘mitasi kotibi Chen Miner boshchiligidagi delegatsiya hamda 10 ta Tyanszin provinsiyasi universitetlari, shuningdek, O‘zbekiston Respublikasi Transport vazirligi, Oliy ta’lim, fan va innovatsiyalar vazirligi mutasaddilari va yurtimizning 19 ta oliy ta’lim muassasasi, kasb-hunar maktablari rahbarlari ishtirok etdi.
Konferensiya doirasida “Lu Ban” ustaxonasining rasmiy ochilish marosimi bo’lib o‘tdi. Ishtirokchilar ilg‘or ta’lim texnologiyalari va usullarini o‘zida mujassam etgan O‘zbekistondagi “Lu Ban ustaxonasi”ning “Axborot-texnologiyalari oʻquv markazi” bilan yaqindan tanishish imkoniga ham ega bo‘ldilar.
Shuningdek, tadbir davomida O‘zbekiston va Xitoy tomonidan qatnashayotgan vakillar o‘zlarining oliy ta’lim muassasalari va kasb-hunar maktablari haqida taqdimot qilib, muhim ma’lumotlar bilan o‘rtoqlashdilar.