Vazir Yevropada xavfsizlik va hamkorlik tashkilotining (YEXHT) O‘zbekistondagi loyihalari koordinatori bilan uchrashdi
2024-08-16 17:00:00 / Vazirlik yangiliklari
Oliy ta’im, fan va innovatsiyalar vaziri Qo‘ng‘irotboy Sharipov Yevropada xavfsizlik va hamkorlik tashkilotining (YEXHT) O‘zbekistondagi loyihalari koordinatori Antti Karttunen bilan uchrashdi.
Uchrashuvda mamlakatimiz aholisining 60 % tashkil etuvchi yoshlarning mamlakatimiz uchun yuqori potensiali e’tirof etilib, o‘zbek yoshlarini Qirg‘izston poytaxti Bishkek shahrida joylashgan YeXHT akademiyasiga jalb qilish masalasi muhokama qilindi.
Tomonlar universitetlararo hamkorliklar, talabalar orasida qonun ustuvorligini targ‘ib qilish, mamlakatimizda oktabr oyida o‘tkazildigan parlament saylovlari, hududiy muammolar masalalarida hamkorlikdagi ishlar va kelgusidagi rejalar muhokama qilindi.
– YeXHT O‘zbekiston hukumatini barcha tashabbuslarida qo‘llab-quvvatlashga tayyor, – dedi Antti Karttunen.
Uchrashuv yakunlariga ko‘ra tomonlar birgalikdagi amaliy ishlarni davom ettirishga kelishdilar.