Reyd davomida tumandagi “Oqsoch” MFY hududida fuqarolar G‘.Sh., R.I. va N.L. qo‘lbola usulda yasalgan elektr qarmoq yordamida baliq ovlaganliklari aniqlandi.

Huquqbuzarlik natijasida tabiatga 10 mln 200 ming so‘m zarar yetkazilganligi aniqlandi. Holat yuzasidan MJtKning  90-moddasi 4-qismi bilan maʼmuriy bayonnoma rasmiylashtirilib, tegishli chora ko‘rish maqsadida hujjatlar tuman sudiga yuborildi.

Ma'lumot uchun, 10-martdan boshlab respublikamizning barcha hududlaridagi tabiiy suv havzalarida baliq ovlash taqiqlanmoqda. Xususan, Amudaryo va Sirdaryo suv havzalarida 10-martdan 31-mayga qadar, Qoraqalpog‘iston Respublikasi va Xorazm viloyati suv havzalarida 25-apreldan 10-iyunga qadar va boshqa barcha suv havzalarida 16-apreldan 31-mayga qadar baliq ovlash mumkin emas.