Ushbu xizmat viloyat markazlari va Toshkentga shoshilinch jo‘natma yuborishi kerak bo‘lganlar uchun qulay va hamyonbop xizmatdir. UzPost ushbu xizmatning qamrovini bosqichma-bosqich kengaytirmoqda va “Bir Qadam” orqali jo‘natmalarni 24 soat ichida Toshkent viloyatidagi bo‘limlarga ham yetkazib berish imkoniyati yaratildi.

Shu bilan birga, xalqaro “postcrossing” tizimini ommalashtirish maqsadida UzPost stendida tashrif buyuruvchilar O‘zbekistondagi turistik joylari va o‘ziga xosligini namoyish etadigan pochta varaqchalarini olib, yuborishlari mumkin.

Eng asosiysi mehmonlar UzPost tomonidan yaratilgan fotobudka orqali o‘zlarining individual rasmlarini pochta varaqchalariga chop etib, chet eldagi yaqinlari bilan ulashishlari mumkin.

“Bir Qadam” xizmati

• Ushbu xizmat jo‘natmalarni 1 KUNda Toshkent shahridan viloyat markazlariga (shuningdek, Toshkent viloyati bo'limlariga ham) va qarama-qarshi yo‘nalishlarda jo‘natish imkoniyatini beradi.
• Xizmat qanday ishlaydi?
• Jo‘natmangizni UzPostning belgilangan bo'limlaridan birida qoldirishingiz lozim.
• Pochta bo‘limidagi operatorlar sizga jo‘natmangizni rasmiylashtirishga yordam berishadi.
• To‘lovdan so‘ng sizga jo‘natmangizni uz.post saytida kuzatish uchun trek-kod beriladi.
• 24 soat ichida qabul qiluvchiga sizning jo‘natmangiz borganligi haqida SMS orqali xabar beriladi va jo‘natmani belgilangan bo‘limdan olib ketish mumkin bo‘ladi.
• Qabul qiluvchi o‘z jo‘natmasini olishi bilan sizga jo‘natmangiz qabul qilinganligi haqida SMS keladi.
• Jo‘natish shartlari:
• Jo‘natmalarni faqat O‘zbekiston ichida amalga oshirish mumkin;
• Bir jo‘natma vazni 20 kgdan oshmasligi kerak;
• Sinishga moyil buyumlarni xavfsiz tarzda qadoqlash lozim hamda bu kabi jo‘natmalarni UzPost xodimlari to‘g‘ridan-to‘g‘ri UzPost bo‘limlarida, jo‘natmangizni qabul qilish mobaynida ham qadoqlab berishi mumkin.